မိုးကုတ်မြို့ တွင် ဒုတိယအကြိမ် တောင်ပြိုခြင်း

၁၆.၈.၂၀၀၈ မိုးကုတ်မြို့  ဘော်ဗဒန်းကျေးရွာတွင် ည ၁၀နာရီ၄၅မိနစ်အချိန် တောင်တွန်းမှုကြောင့် လူ(၆)ဦးသေဆုံးခဲ့သည်။မိုးသည်းထန်စွာရွာသွန်းမှုကြောင့်ယခုလိုဖြစ်ရခြင်းဖြစ်သည်။ညတွင်း
ချင်း အလောင်းတစ်လောင်း ရှာဖွေတွေ့  ရှိသဖြင့် မိုးကုတ် မြို့ နယ်ပြည်သူ့ဆေးရုံကြီး သို့ ကျေးရွာနေလူများက ချက်ချင်းပို့ ဆောင်လိုက်သည်ဟုသိရသည်။အိမ် (၅)လည်းပျက်စီးဆုံးရှုံးသွားသည်။
၁၇.၈.၀၈ နေ့လည် ၁၂ နာရီ ၄၅ မိနစ်မှ အလောင်း ၅ လောင်းအားရှာတွေ့ခဲ့သည်။ အမျိုးသား(၄)ဦးနှင့် အမျိုးသမီး (၂)ဦးပါဝင်သည်ဟု ရွာခံများက ပြောဆိုသည်။ယခုပြိုသောတောင်သည်
ဘော်ဗဒန်းကျေးရွာ ၏ အနောက်ဘက်တွင် တည်ရှိသည် လူနေအိမ်များနှင့် ကိုက် (၁၅၀၀)ကွာဝေးသည် ။


ဒီတောင်ကနေ စတင် ပြိုတာလေ

ကိုက်(၁၅၀၀)ဝေးတဲ့ လူနေအိမ်ထိရောက်လာတယ်

သူတို့အလောင်းကို ဒီနေရာမှာတွေ့ခဲ့တယ်

့

အပြည့်အစုံသို့...

အစသို့...

AGAINST Fashion Shop ဖွင့်လှစ်ခြင်း.. သို့အမှတ်တရ

ပတ္တမြားမြေ မိုးကုတ်မြို့ တွင်ယနေ့ခေတ်လူငယ်ကြိုက်များဖြစ်သော Punk & Emo အ၀တ်အထည်ဆိုင်ကို ၈.၈.၂၀၀၈ နေ့တွင် မိုးကုတ်မြို့ အမှတ်-(ခ/၂၀၃) အင်းနှုတ်ခမ်းလမ်း တွင်
AGAINST Fashion Shop နာမည်ဖြင့် စတင်ဖွင့်လှစ်ခဲ့သည်။မိုးကုတ်မြို့ နေလူငယ်တစ်စု မှဖွင့်လှစ်သည်ဟုသိရသည်..." ကျွန်တော်တို့ ဆိုင်က ပစ္စည်းတွေကရန်ကုန်လိုမြို့ကြီးမှာရှိတဲ့ဆိုင်တွေက

ဈေးနှုန်းအတိုင်းရောင်းတယ်အစ်ကို ...မြို့ကလူငယ်တွေကို ဒီဇိုင်း ဆန်းဆန်းလေး တွေဝတ်စေချင်လို့" ဟု ဆိုင်အဖွဲ့ဝင်လူငယ်တစ်ဦးက ပြောပြသွားသည်။လာရောက်အားပေးတဲ့လူငယ်တွေကတော့
"ဒီမှာ ဒီလိုဆိုင်လေး ရှိလာတော့ အရမ်းဝမ်းသာတယ် ဈေးလဲ ချိုတယ် မန္တလေး ရန်ကုန်ကို မှာစရာမလိုဘူးပေါ့ဗျာ" ကျေနပ်အပြုံးလေးများနဲ့ အိမ်ပြန်သွားခဲ့ကြတယ်.အင်းမိုးကုတ် က

လူငယ်တွေအတွက်ကြည့်ပေးတတ်တဲ့ ရောင်းရင်းများကိုနှုတ်ဆက်ပြီး....လုပ်စရာလေးရှိတာလုပ်ပြီးအိမ်ပြန်ခဲ့တယ်..စိတ်ထဲမှာတော့ ပီတိအပြုံးလေးနဲ့ပေါ့ ။

အပြည့်အစုံသို့...

အစသို့...

မိုးကုတ်မြို့ရဲ့ ညဆည်းဆာ အလှ

အခုတလော မိုးကုတ်မြို့ရဲ့ ဓါတ်ပုံလေးတွေကို လိုက်ရှာရင်း ခုပုံလေးတွေကို တွေ့လို့ တင်ပေးလိုက်ပါတယ်။ မိုးကုတ်မြို့လေးကို ခွဲခွာပြီး အခြားတစ်နေရာရာကို ရောက်နေကြတဲ့ အဝေးရောက် သူငယ်ချင်းများအားလုံးအတွက် မိုးကုတ်အလွမ်းပြေ ပေါ့ဗျာ…
နောက် မိုးကုတ်မြို့ကို မရောက်ဖူးသေးကြတဲ့ အနယ်နယ်အရပ်ရပ်က ဘော်ဒါအပေါင်းအသင်းများအားလုံးလည်း မိုးကုတ်ရဲ့ ညဆည်းဆာအလှလေးကို ခံစားနိုင်ပါစေလို့….

ဓါတ်ပုံအတွက် ကူညီပေးခဲသော ကျွန်တော့ရဲ့ ချစ်ကိုကြီး ကိုကိုဦး အား အထူးကျေးဇူးတင်ရှိပါတယ်

အပြည့်အစုံသို့...

အစသို့...

န၀ရတ်ကိုးပါး လက်စွပ် ပြုလုပ်ပုံ

မဏိသျှတ္တရ-ရတနာကျမ်း မူအရ န၀ရတ်လက်စွပ် ပြုလုပ်ပုံ

ပတ္တမြား ဘုန်တောက်၊ မြ ကျောက် အေးချမ်း

စိန် စွမ်းဂုဏ်ရောင်၊ ကြောင် ကား သိဒ္ဓိ

မဏိ နီလာ - မေတ္တာကဲချုပ်၊ ဂေါ်မိတ် ခွန်အား

ဥဿဖယား ကျန်းမာ၊ သန္တာ ကြီးကဲ

ပုလဲ ကျက်သရေ၊ ဂုဏ်ကိုးဝေသည်

ကိုးထွေ န၀ရတ် စွမ်းရည်တည်း။

ဥတုဘောဇနသင်္ဂဟကျမ်း မူအရ န၀ရတ်လက်စွပ် ပြုလုပ်ပုံ

မှတ်ချက်။ ။န၀ရတ်လက်စွပ်ပြုလုပ်ရာတွင် မဏိသျှတ္တရ-ရတနာကျမ်း မူအရ အများဆုံး ပြုလုပ်လေ့ရှိပါသည်။

Technorati Profile

အပြည့်အစုံသို့...

အစသို့...

န၀ရတ် ကိုးပါး

THE ESTEEMED NINE - GEMS

ပတ္တမြား Ruby

ဘုန်းတန်ခိုးကြီးမားခြင်း
Ruby Being very powerful

မြ Emerald


အေးချမ်းခြင်း
Peace

စိန် Diamond


ဂုဏ်ရောင်ထွန်းပြောင်ခြင်း
Rising in dignity and fame

ကြောင် Cats eye

သိဒ္ဓိပြီးခြင်း
Attaining the power of comptation and perfection

နီလာ Sapphire


မေတ္တာကြီးမားခြင်း
Having much affection and love

ဂေါ်မိတ် Zircon


ခွန်အားပြည့်စုံခြင်း
Having much strength and force

ဥဿဖယား Topaz

ကျန်းမာခြင်း
Health

သန္တာ Coral


အကြီးအကဲဖြစ်ခြင်း
Being a chief or governor

ပုလဲ Pearl


ကျက်သရေနှင့် ပြည့်စုံခြင်း
Having pride and glory and grace

အပြည့်အစုံသို့

အပြည့်အစုံသို့...

အစသို့...

ချမ်းသာကြီးမြတ်စွာဘုရား

မိုးကုတ်မြို့၏ အရှေ့မြောက်ဘက် တောင်ကုန်းပေါ်တွင်ရှိပြီး ရှေးပုဂံမင်းလက်ထက် ကတည်းကတည်ထားသော ရှေးဟောင်းဘုရားတစ်ဆူ ဖြစ်ပါသည်။ ထိုဘုရားကို ရှေးက ဆုတောင်းပြည့်စေတီ ဟု ခေါ်ဝေါ်ခဲ့ကြပါသည်။ သက္ကရာဇ် ၁၂၃၃ ခုတွင် မိုးကုတ်စို့သူကြီး နေမျိုးသီရိမင်းလှမင်းထင် မဏိရာဇာ သည် ၄င်းဆုတောင်းပြည့်ဘုရားတွင် ဆုတောင်း၍ ဦးကောက် ကို တိုက်ယူရာ အောင်မြင်သောကြောင့် ၄င်းစေတီတော်ကြီးကို ပြုပြင်မွမ်းမံ ပြင်ဆင်၍ အနောက်ဘက်တွင် ရန်အောင်မြင်ဘုရားကို တည်ထားခဲ့လေသည်။ (ထို ရန်အောင်မြင်ဘုရားကို ယနေ့တိုင် ဖူးမြော်နိုင်ပါသည်။ ) ထို့ကြောင့် ၄င်းတောင်ကိုလည်း မင်းဘုရားတောင် ဟု ခေါ်တွင်ခဲ့ပါသည်။ သက္ကရာဇ် ၁၂၆၈ သို့ရောက်သောအခါ စေတီတော်နှင့် ရုပ်ပွားတော်များ ပျက်စီးယိုယွင်းနေသည်ကို တွေ့သဖြင့် မိုးကုတ်မြို့ရှိ ဂုဏ်သရေရှိလူကြီး ၂၈ ဦးတို့က ကမကထလုပ်၍ ထပ်မံပြီး ဖိနပ်တော်ကို အတောင် (၅၀) ခန့် ချဲ့ထွင်မွမ်းမံခဲ့သည်။ ၁၂၇၀ ခုနှစ်တွင် ကျောက်သားစေတီတော်ကြီးကို အပြီးသတ်ပြင်ဆင်ပြီးစီးခဲ့၍ ပိန်းနဲတိုင်စိုက်ထူပြီး ထီးတော်တင်ခဲ့ပါသည်။ ၁၂၇၄ ခုနှစ် ပြာသိုလဆန်း (၅) ရက်နေ့တွင် မိုးကုတ်မြို့ လယ်ဦးရပ် ဦးရင်မောင် ဒေါ်ခန်းဆာတို့က ကျောက်လှေခါးထစ်ပေါင်း (၉၀)ကျော်ရှိသော တန်ဆောင်းကြီးကို ဆောက်လုပ်လှူဒါန်းခဲ့ပါသည်။ ၁၃၀၈ ခု တော်သလင်းလဆုတ် (၂) ရက်နေ့ ည ၉ နာရီ ၄၃ မိနစ်တွင် ငလျင်ကြီးလှုပ်ရာ စေတီတော်ကြီး ပြိုပျက်ခဲ့ရသည်။၎င်းကို ရွှေဂူကြီးဘုရားဥပါသကာများနှင့် မြို့နယ်လူထုတို့ပူးပေါင်းပြီး အသစ်တစ်ဖန် ထပ်မံတည်ထားကိုးကွယ်ခဲ့ပါသည်။

“၁၃၀၈ ခုနှစ်၊ တော်သလင်းလဆုပ် ၂ ရက်၊ ည ၉ နာရီ ၄၃ မိနစ်အချိန်တွင် မိုးကုတ်မြို့၌ ငလျင်ကြီးလှုပ်ပြီး စေတီတော်ကြီး ပြိုပျက်ရာ အတွင်းမှ တွေ့ရှိရသော ကြေးပုရပိုဒ်တစ်ခု၏ မူရင်း”

ချမ်းသာကြီးဘုရား ကြေးပုရပိုဒ်

ထိုစေတီတော်ကြီး၊ ပုဂံပြည်ဘုရင် ဓါတုယမမင်းခေါင်သည် ပတ္တမြားမျက်ရှင်ကို ပင့်ယူရန် ကြွလာသောအခါ အမြဲကိုးကွယ်ပါလာသော ဓါတ်တော်ဆူရေ ၃၀ ကျော်ကို ဌာပနာ၍ ဆုတောင်းပြည့် ချမ်းသာကြီးဘုရားစေတီတော်က်ို သာသနာတော် ၂၄၁၅၊ ကောဇာ ၁၂၃၃ ခုနှစ်၊ နေမျိုးသီရိမင်းလှမင်းတင် မဏိရာဇာမင်းဘုရားက ပြည်သူများနှင့် ထပ်မံပြုပြင်လေသည်။ သာသနာတော် ၁၄၅၀၊ ကောဇာ ၁၂၆၈ မိုးကုတ်မြို့အသရေရှိလူကြီးများ ၂၈ ယောက်အသင်း ဖွဲ့၍ မူလထက်ချဲ့ထွင်လျှက် ဖိနပ်တော် အတောင် ၅၀ ခန့် ကျောက်ခဲ နှင့် ပြင်ဆင်ရာ ဒုတိယပစ္စယံတစ်ဝက်မျှနှင့် အလုပ်ဖြတ်ထားသည်။ သာသနာတော် ၂၄၅၂ ကောဇာ ၁၂၇၀၊ ၀ါခေါင်လ၌ ဗုဒ္ဓရက္ခိတရဟန်းတော် ဦးအာစရအမိန့်အရ ဇရပ်တကာ ဦးအောင်ပုံ ဘုရားတကာ ကိုဘိုးအုံ၊ ဘုရားတကာ ဦးမောင်ကြီး၊ ဇရပ်တကာ ဦးဝ၊ ဘုရားတာ ဦးသိန်း၊ ဦးသိုက်တို့နှင့်တကွ မြို့၊ နယ်ကုန် သူတော်ကောင်းအများတို့ ညှိနှိုင်းတိုင်ပင်လျှက် မိမိသဒ္ဒါတရားအလျှောက် လှူဒါန်းထောက်ပံ့ကြ၍ အပြီးသတ်သည်နှင့် ပိန်းနဲတိုင် စိုက်ရာကျောက်သားစေတီတော် အတွင်း ဌာပနာတိုက်တွင် ရွှေကြုပ်၊ ငွေကြုပ်၊ ရွှေတောင်၊ ငွေတောင်၊ ရတနာဗောဓိပင်၊ တံခွန်တိုင်၊ ရုပ်ပွားတော်၊ စေတီတော်တို့ပါ န၀ရတ်ကိုးပါးစီချယ်တင့်တယ်စွာ ပြုလုပ်ပြီးလျှင် ဘုရားဓါတ်တော်ဆူရေ ၁၂၅၀ ၊ ရဟန္တာဓါတ်တော်ဆူရေ ၁၂၀၀ တို့ကို အများဒါယကာ၊ ဒါယိကာမ တို့က ၁၂၇၀ ၊ တန်ဆောင်မုန်း လပြည့်နေ့ ပူဇော်ပွဲကြီးပြု၍ ဌာပနာသွင်း လှူဒါန်းပူဇော်ကြသော ကောင်းမှုနိဗ္ဗန်ဆု၊ သာဓုနတ်လူခေါ်စေသော်။

ယခုအခါ ချမ်းသာကြီးမြတ်စွာဘုရားကို မြို့ထဲရှိရပ်ကွက်ပေါင်းစုံမှ လူကြီးများပါဝင်သည့် ဘုရားဂေါပကအဖွဲ့ကို ဖွဲ့စည်းပြီး နှစ်စဉ် တပို့တွဲလဆန်း ၁၁ ရက်မှ ၁၅ ရက်အထိ စည်ကားသိုက်မြိုက်စွာ ကျင်းပပါသည်။ ထမနဲပွဲကို တပို့တွဲလဆန်း ၁၄ ရက် (အဖိတ်နေ့) တွင် ကျင်းပပြီး လပြည့်နေ့နံနက်တွင် တစ်မြို့လုံးရှိ သံဃာများအား ဆွမ်းကြီးလောင်းပွဲကို ယနေ့တိုင် ကျင်းပလျှက်ရှိပါသည်။ ။

အပြည့်အစုံသို့

အပြည့်အစုံသို့...

အစသို့...

နှစ်သစ်အတွက် အားအင်များ

Don’t carry your head too high, the door is low.

ဘ၀တံခါးကို “ပညာ” သော့နဲ့ဖွင့်

ကိုယ့်ဘ၀ ကိုယ်သိ ကိုယ်အားကိုယ်ကိုး

မင်းရဲ့လုပ်ရပ်တန်ဖိုးဟာ မင်းဘ၀ရဲ့တန်ဖိုးပဲ

မင်းဟာ လူဆိုတာသိလား…? လူပီသအောင်ကြိုးစား

စက်ဝိုင်းမှာ ရည်ရွယ်ချက်ရှိရသလို မင်းမှာလဲ ရည်ရွယ်ချက်ရှိရမယ်

အခက်အခဲဆိုတာ မင်းမှာ မရှိရင် အောင်မြင်မှုရာဇ၀င်မရှိနိုင်ဘူး

အောင်မြင်မှုသည် ချိုမြိန်၏။ သို့သော် ၄င်း၏လျို့ဝှက်ချက်ကား “ချွေး”

အမှန်မြင်သည့်တိုင်အောင် အမှန်အတိုင်းမလုပ်ခြင်းသည် သတ္တိနည်းခြင်းဘဲ

သူ့လိုဖြစ်ချင်ရင် သူ့လိုတော်အောင်ကြိုးစား

ပျင်းရိခြင်းသည် ပင့်ကူမျှင်များဖြင့် စတင်ပြီး သံကြိုးကြီးများနှင့် နိဂုံးချုပ်ရတယ်

လူ့ဘ၀မှာ အောင်မြင်မှုထက် တန်ဖိုးရှိသူဖြစ်ဖို့ ပိုအရေးကြီးတယ်

မှားချင်မှားပါစေ မမိုက်ပါနဲ့

နာရီလက်တံလေးတွေကိုကြည့်
စက်ချို့ယွင်းလို့ပဲဖြစ်ဖြစ် ဓါတ်အားကုန်လို့ပဲဖြစ်ဖြစ်
ဘယ်တော့မှ နောက်ပြန်မသွားဘူး

ဆက်လျှောက် ဆက်လျှေက် ရပ်မနေနဲ့ ရပ်နေရင်ကျော်သွားလိမ့်မယ်

ပိုက်ဆံဆိုတာ လူ့သိက္ခာလောက် တန်ဖိုးမရှိပါ

လူဆိုတာ ချောဖို့မလိုဘူး စိတ်ထားကောင်းဖို့ပဲ လိုတယ်

ခရုလိုလည်းမနှေး သမင်လိုလည်းမမြန် ပုံမှန်လေးသာ ကြိုးစားပါ

အလုပ်ကို လက်နဲ့မလုပ်နဲ့ ဥာဏ်နဲ့လုပ်

သူများ အပြစ်ကို ပြောနေတာဟာ ကိုယ့်အပြစ်ကို ဖုံးကွယ်နေတာပဲ

မှင်တစ်စက်သည် လူတစ်သန်းကို စဉ်းစားအောင်လုပ်နိုင်သည်

မိဘဆိုတာ ပန်းပျိုးလက် ဆရာဆိုတာ ပန်းပိုးသတ်သည့်လက်

အလင်းရောင်ကိုလိုချင်ရင် အပူဒဏ်တော့ခံရမှာပဲ

ဘ၀ဆိုတာ မာရသွန်ပြေးပွဲ ဆက်ပြေး မုချနိုင်ရမယ်

အသီးသီးတဲ့အပင် ခဲပစ်ခံရတယ်
အလုပ်လုပ်တဲ့သူ ဝေဖန်ခံရတယ်
ဒါကြောင့် တစ်စုံတစ်ယောက်က ကိုယ့်ကိုဝေဖန်ပြီဆိုရင်
ကိုယ် အလုပ်တွေလုပ်နေတယ်ဆိုတာ အသိအမှတ်ပြုတာပါပဲ

နှစ်သစ်မှာ အောင်မြင်မှုများ ရရှိကြပါစေ.....။

အပြည့်အစုံသို့

အပြည့်အစုံသို့...

အစသို့...